This poyson in a box, and sith he ran In-to the nexte strete, un-to a man, And borwed [of] him large botels three; And in the two his poyson poured he; The thridde he kepte clene for his drinke. For all the night he shoop him for to swinke In caryinge of the gold out of that place. And whan this ryotour, with sory grace, Had filled with wyn his grete botels three, To his felawes agayn repaireth he.
What nedeth it to sermone of it more? For right as they had cast his deeth bifore, Right so they han him slayn, and that anon. And whan that this was doon, thus spak that oon, Now lat us sitte and drinke, and make us merie, And afterward we wol his body berie.' And with that word it happed him, par cas, To take the botel ther the poyson was, And drank, and yaf his felawe drinke also, For which anon they storven bothe two. But, certes, I suppose that Avicen Wroot never in no canon, ne in no fen, Mo wonder signes of empoisoning
Than hadde thise wrecches two, er hir ending. Thus ended been thise homicydes two,
And eek the false empoysoner also.
clene] clean. shoop him] purposed, intended.
to swinke] cast] arranged.
canon] Avicenna's book called the Canon.
O cursed sinne, ful of cursednesse ! O traytours homicyde, o wikkednesse ! O glotonye, luxurie, and hasardrye! Thou blasphemour of Crist with vileinye And othes grete, of usage and of pryde! Allas! mankinde, how may it bityde, That to thy creatour which that thee wroghte, And with his precious herte-blood thee boghte, Thou art so fals and so unkinde, allas!
FLEE fro the prees, and dwelle with sothfastnesse, Suffyce unto thy good, though hit be smal; For hord hath hate, and climbing tikelnesse, Prees hath envye, and wele blent overal; Savour no more than thee bihove shal; Werk wel thy-self, that other folk canst rede; And touthe shal delivere, hit is no drede.
Tempest thee noght al croked to redresse, In trust of hir that turneth as a bal : Gret reste stant in litel besinesse ;
And eek be war to sporne ageyn an al;
Stryve noght, as doth the crokke with the wal.
sothfastnesse] truth, honesty.
hord] avarice. tikelnesse] instability. well-being, wealth. blent] deceives, beguiles. everywhere. savour] taste. bihove] suit. counsel, advise. hit is no drede] without doubt. tempest thee noght] do not violently distress thyself. al croked] all the crooked. in trust of hir] trusting to her. that turneth as a bal] Fortune with her wheel. stant] consists. besinesse] sporne ageyn] spurn or kick against.
gret reste] great repose.
crokke] earthenware pot. wal] wall.
Daunte thy-self, that dauntest otheres dede; And trouthe shal delivere, hit is no drede. That thee is sent, receyve in buxumnesse, The wrastling for this worlde axeth a fal. Her nis non hoom, her nis but wildernesse : Forth, pilgrim, forth! Forth, beste, out of thy stal!
Know thy contree, look up, thank God of al; Hold the hye wey, and lat thy gost thee lede: And trouthe shal delivere, hit is no drede.
Therfore, thou vache, leve thyn old wrecchednesse Unto the worlde; leve now to be thral;
Crye him mercy, that of his hy goodnesse Made thee of noght, and in especial
Draw unto him, and pray in general
For thee, and eek for other, hevenlich mede; And trouthe shal delivere, hit is no drede.
axeth a fal] asketh a fall. her nis non
vache] cow, beast. mede] mead (drink).
hye wey] high way. gost] spirit. leve] leave. thral] enthralled.
A! FREDOME is a noble thing! Fredome mays man to haiff liking; Fredome all solace to man giffis, He levys at ese that frely levys! A noble hart may haiff nane ese, Na ellys nocht that may him plese, Gyff fredome fail; for fre liking Is yarnyt our all othir thing. Na he that ay has levyt fre May nocht knaw weill the propyrtè, The angyr, na the wretchyt dome That is couplyt to foule thyrldome. Bot gyff he had assayit it,
Than all perquer he suld it wyt; And suld think fredome mar to prise Than all the gold in warld that is.
JOHN GOWER 1330(?)-1408
ALEXANDER AND THE PIRATE
OF him whom al this Erthe dradde, Whan he the world so overladde Thurgh werre, as it fortuned is, King Alisandre, I rede this; How in a Marche, where he lay, chance
It fell per
liking] liberty. yarnyt] yearned for. Marche] country.
na ellys nocht] nor aught else. perquer] thoroughly, by heart.
A Rovere of the See was nome, Which many a man hadde overcome And slain and take here good aweie: This Pilour, as the bokes seie,
A famous man in sondri stede Was of the werkes whiche he dede. This Prisoner tofor the king
Was broght, and there upon this thing In audience he was accused:
And he his dede hath noght excused, Bot preith the king to don him riht, And seith, Sire, if I were of miht, I have an herte lich to thin: For if the pouer were myn, Mi will is most in special To rifle and geten overal The large worldes good aboute. Bot for I lede a povere route And am, as who seith, at meschief, The name of Pilour and of thief
I bere; and thou, which routes grete Miht lede and take thi beyete, And dost riht as I wolde do, Thi name is nothing cleped so, Bot thou are named Emperour. Oure dedes ben of o colour And in effect of o decerte, Bot thi richesse and my poverte
Tho ben noght taken evene liche. And natheles he that is riche
This dai, tomorwe he mai be povere ;
And in contraire also recovere
nome] taken. Pilour] pillager. lich] like. povere] poor.
meschief] ill-luck. beyete] advantage.
« ÎnapoiContinuă » |