Del chevalier qui en porta Sa coupe d'or de devant lui. Moult furent angouscox li dui, Qui les puceles requerroient. Puis lor discent, que il estoient Mellor chevalier que cil n'erent. Et les damoiseles jurerent, Que se lor dis n'estoit provés, Et qu'il se fuscent esprovés Cors à cors par lor II escus, Si qu'il les eüscent vencus, Ke jamais nul nen ameroient. Et se il issi ne faisoient Dedens un terme qui fust cort, Eles iroient à la cort.
Et cil discent, se nous vencons Qui tant proïes vous avons, Dont n'arons nous vos drueries? Enfin devenrons vos amies, Disent eles, quant ce sera, Mais ja se Diu plaist, n'avenra. Car ce seroit trop grant damage. Par tel sorfait et par tel rage S'esmurent cil por Gavain querre. Tant errerent par ceste terre, Un jor avint qu'il l'encontrerent; Seul et desarmé le troverent, Cil qui querroient por ocire. C'est damage qu'il l'estuet dire, Sa desfense rien ne valut. Par itel ocoison morut
Li niés le roi, ce saciés bien. Onques n'oi si grant duel de rien, Ne ja mais ne quit qu'il m'aviegne Si grant dolor por ríens qu'aviegne. Quant il fu issi avenu
Et cil furent caiens venu, Ki tant l'avoient depecié, Le destre bras qu'il ot trencié, Lor demandai, sel me dounerent. Atout le sorplus s'en alerent Par matinet en lor païs. Et saciés bien que il ert mis, Se je puis vivre longement, Si bien en or et en argent; Se li orfevres ne se faint, Onques nus bias à nul cor saint 518 Ne fu mais si ricement mis, Je l'ai bien voué et pramis. Et je m'en doi bien entremetre De faire le ricement metre; Car li prodom fist moult d'onor As chevaliers de ci entor.
Il lor respont, que si ert il, Ja rien de lui n'ert tenu vil Là ù il soit ne bras ne main; Car bien set que c'est de Gavain; Si doit estre moult cier tenu. Et cil qui ert sans non venu Li dist: „Sire, se Dix me gart, Ja mar de cou arés regart: Je vi, n'a pas quart jor, Gavain Vers Carduel tout delivre et sain, Si aloit aventure querre Or vous veul proiier et requerre Por amour et par guerredon, Ke me creantés un seul don, Et je ne vous querrai sorfait." „Dont ert il, fait li ostes, fait, Par si que je faire le puisce." „Ensengniés me dont ù je truisce 522 Ces qui ensi se sont vanté, K'ont mon segnor Gavain maté, Et qu'il a par ex recut mort. Et saciés bien que il ont tort, Et que moult laidement l'ocissent, Sans cou que nul mot ne li dissent, Ne qu'il n'avoit d'ex nul regart. N'a sous ciel home qui esgart, Ki en lui ot sens et raison K'il ociscent en traïson. Fu ce prouece s'il l'ocissent? Après se vanterent et dissent, K'il avoient Gavain ocis. Je l'ai ja mainte fois enquis, N'onques encor ne peuc savoir Del chevalier por nul avoir Son non, ne de quel terre il fu, Fors qu'il portoit un tel escu Comme mesire Gavains porte."
5146. issi les faisoient. 5154. Dix. 5214. Or vous proiier et requerre. 5222. Ke il monsegnor Gavain maté.
À mervelle se reconforte Li ostes, qui ot tex noveles, Ki moult fi sont plaisans et beles; Puis dist: „Sire, se Dix me voie, Je vous metrai bien en le voie Moult volentiers, quant vous vaurois. Et ce est bien raisons et drois Ke de cou vous doie avoiier. Je vous vaurai ja convoiier, Tant que je vous avoierai, Et por cou vous convoierai Ke jou vous mosterai la voie." Maintenant del tout les avoie Et de lor nons et de lor terre De quanques il vaurent enquerre: „Sire, dist il, veïstes vous Onques le Faé Orgellox. Je ne sai mie bien son non Mais je sai bien que son sornon Si est de la Roce Faée;
Ensi est la vile apelée.
Li uns d'ex est ensi noumés Et li autres est apelés
Par tout Goumeres sans mesure. De cestui sor non n'ai jou cure.“ Mais cil sans non: „Il n'est pas buens, Et il est bien par raison suens." Fait li ostes: Il est assés Orgellox et desmesurés. Et si ai jou malement dit Je meïsme nient contredit. Si est il bien dit et prouvés K'onques nus trop ne fu d'assés. Le tiers n'i sai je pas qui fu, Ne mais qu'il ert o ex venu. Celi oï dire et retraire K'il n'i ala por nul mal faire, Fors por tenir ex compaignie." „Ot la saisine de samie
Biax dox ostes, fait cil sans non, Nus d'ax dex par ceste ocoison?“ 528 ,,Nenil, dist il, ce me fu dit, K'eles i miscent contredit, Et si dissent à lor amis, Ke il lor avoient pramis Le cors Gavain u mort u vif. Si ot entr'ex moult grant estrif, Car les damoiseles disoient, Ke autrefois veu l'avoient, Et ce n'ert mie illeuc son cors. Et li chevalier dissent lors, Ke si ert et sel prouveroient; Car as marciés crier feroient Par tox les castiax du païs,
5265. quil nest pas buens.
K'il avoient Gavain ocis, Et se nus osoit ce desdire, K'il feroient crier et dire, K'il seroient prest du prouver, Si ne porent encor trouver Ki i meïst nul contredit. Et de ces dex qui ce ont dit, N'i a il nul qui moult ne vaille, Si veulent prouver par bataille. Or est la cose alée tant, S'aucuns ne vient demain avant, Ki pruisse que ce n'est pas voir Enfin lor convenra avoir Les puceles sans nul delai. Eles en sont en tel esmai De ce que ne puent trouver, Ki cou lor ost à faus prouver, Ne par bataille contredire; K'à poi que ne sont mortes d'ire. Savés porquoi eles s'esmaient Eles dont trop que cil nes aient En tel guisce com je vous cont? Si dient bien que s'ocirront, S'il les ont par ceste raison; Car eles erent ocoison Ke Gavains fu par eles mort, Eles n'auroient ja confort." „Ostes, dist il, ne vous anuit, Porrons nous tant errer anuit Et demain dusqu'à mie di? Une cose de voir vous di, Si nel di je pas por vantance, Se dame Dix tant nous avance Ke demain à tans i vegnon, Je ai talent que nous venjon Le grant forfait que il ont dit. Nous II i mettrons contredit A armes, comment que il aille, Ne puet remaindre sans bataille." „Lors dist li ostes: „Ce me sanle, Vous ne trouverés pas ensanle Les chevaliers que vous querés. Se par armes les conquerés, Dont vous avés ceste ouvre enprise, Moult avés grant honor conquise. Se ne faites trop grant demeure, Vous i venrés moult bien à eure. 534 Et si vous dirai bien comment Goumeret sans mesure atent: Il a son pavellon tendu, Si a longement atendu Por cest afaire en une lande. Si enquiert ileuc et demande Savoir, se nus vauroit desdire
Ce qu'il a fait crier et dire, Ke par ex dex est Gavains mors. Tant est prox et hardis et fors 535 K'il ne trouve qui l'en desdie. Si quide avoir demain s'amie. Li Fées Orgellox atent A son castel tout ensement Por savoir, se ja venroit nus Ki de ceste oeuvre feïst plus, Et qui ossast vers lui enprendre U à prouver u à desfendre, Ce qu'il dist qu'il a mort Gavain. S'aucuns ne vient avant demain 536 Ki par armes le contredie Enfin ara la soie amie." Lors se leverent del mengier Puis monta cascuns u destrier, Et si se missent à la voie, Et li ostes tant les convoie Comme cortois et ensegniés, K'il lor a moult bien ensegniés Del païs trestox les assens, K'il ni fauroient à nul sens À trover cou qu'il vont querant. Et quant il orent erré tant, Ke li ostes retorner dut, Espinogres lors apercut, K'il avoient forment mespris, Si s'en tient moult à entrepris:
Si le dist à son conpaignon, Ke il n'orent enquis son non. Lors l'ont moult bien à raison mis: ,,Ore nous soumes vos amis, Et se est bien raisons et drois Ke bien avés à ceste fois Deservi qui nous le soion. Biax dox ostes, si vos prion
Ke vostres nons nous soit només. Prodoume estes et renomés, Si amon vostre acointement. Et saciés bien seürement, Ja mar en serés en doutance
Ke nous en la vostre acointance 539 Somes nous et sans contredit." „J'ai à non Tristans qui ne rit, Ja fait il, celer ne le quiert. Segnor, si vous pri et requier Par amor et par gueredon Ke vous me creantés un don. Et je ne vous requerrai mie Ne outrage ne vilenie.
Ja mar de ce paour arois." „Par foi, fait il, ce est bien drois 540 Ke nous facons vostre plaissir,
Bien vous devés à nos tenir
Tous jors mais dès ore en avant.“ Segnor, fait il, je vous demant Par gueredon et par amour Ke par ci soit vostre retor. Je nel sai, ne vous ne savés De l'aventure que querrés Ke vous en est à avenir, Mais savoir veul au revenir, Comment vous ert de cest afaire. Tout me conterés au repaire, Ki vous estés ne de quel terre Et l'ocoison qui vous fait querre L'aventure que vous querés. Se par armes cex conquerés Que vous avés longement quis Moult par arés grant pris conquis." Bounement li ont otroiié; Quant assés les ot convoiié, Si revient li ostes arriere, Et cil oirrent en tel maniere Come li ostes lor ot dit. Tant errerent, que li uns vit En un val une bele tor Qui estoit à un vavasor. Moult estoit rices li porpris, Et li sires moult poëstis Et moult prodom cui il estoit. A son contenement paroit K'il estoit de moult grant pooir. Là se herbegierent le soir Andoi ciés le bon vavasor. Si grant joie et si grant honor Li face Dix, com il lor fist. Moult se jua et moult lor dist De ses aventures la nuit; Et il à lui, si com je cuit, Reconterent assés des lor. Et l'andemain quant il fu jor, Et on ot armés les vassax, Si monterent sor lor cevax, Et quant il orent congié pris, Si se sont à la voie mis. Puis oirent un cemin ferré, N'oient mie granment erré, K'il ert encore assés matin K'il trouverent un forc cemin Si com Tristans conté lor ot. Et li uns des cemins aloit, Si com Tristans dit lor avoit, Là ù Goumeres atendoit, Et li autres au castel vait Uli orgellox crier fait,
Ke il a mort Gavain sans faille.
5409. Ke vous en est au venir.
Si quide le jor sans bataille Estre de s'amie saissis. Lors ont entr'ex un ju partis, Et si le parti cil sans non Bonement à son conpaignon: „Sire, dist il, vous coisirés, L'un de ces II cemins irés Por vostre besongne furnir. Et quant venra au revenir, Se Dix nous done si ouvrer Ke par armes puiscon prover, K'il ont menti de cest afaire, Ciés Tristans ert nostre repaire. Et cil qui ancois i venra, Son conpaignon i atendra, Tant qu'il oie parler de lui." "Quant je, fait Espinogres, sui A cais d'une de ces II voies, Et faire l'estuet toutes voies, Si qu'il ne puet autrement estre, Se irai cesti à senestre, Ki me menra à Gaumeret." „Et je en ceste autre me met, Fait cil sans non, si vous commant Au glorious le roi poiscant,
Ki vous gart de honte et de mal." Lors bronce cascuns le ceval
Si oirrent moult grant aleüre,
Et Espinogres à droiture N'ot pas demie liue alée, K'il a une forest trovée. Puis oirre longement issi, C'onques de la forest n'issi, Tant qu'il a trouvée la lande,
Ú Goumeres est qu'il demande, 549 Si com la parole est contée. Por noient seroit recontée, Car ele est bien dite et oïe. Si quide bien avoir s'amie Sans contredit que nus i mete, Ne quide que nus s'entremete De prendre contre lui deraisne. Et quoi que il si se desraisne, Et il dist ses rices paroles Si orgellouses et si foles Com vous avés oï conter, Nes couvient mie reconter, Car assés bien vous en souvient. Estes vous qu'Espinogres vient. Cortoisement li dist en pais: „Dans chevaliers, ne dites mais Ke vous aiiés Gavain ocis. Vilainement avés mespris De ce que le desistes onques."
5477. Ki menra a Gaumeret.
„Sire vassal et por quoi donques, 551 Fait Gaumeres, quant je di voir, Ne las je bien faire savoir?" Nenil, dist il, onques n'avint. Il s'en conbatroit à tex XX, L'un après l'autre com vous estes, Si trenceroit à tox les testes." Et Gaumeres respondi lors: „Par foi, fait il, j'en ai le cors, Mais il n'i a ne bras ne quisse, Et si sui tox près que je pruisse 552 Ke je l'ai et que li Faés En a les menbres aportés."
Espinogres lors respondi: „Apertement avés menti
Je sui près que je l'en desfende Et que mort u pris vous en rende, Ains que g'isce de ceste lande.“ Et Gaumeres tantost demande Ses armes, et on li aporte Cauces de fer à maille forte, Plus blances qu'argens esmerés. Puis fu li haubers aportés Fors et legers, clers et trellis, Et hiaume qui fu de Senlis; Toute ert noire l'autre armeüre. Quant armés fu à sa droiture, Il n'i a fait plus de demoure, Son ceval ert plus noir que moure. Et quant il se fu bien armés Sor le bon ceval est montés. Tox près de prouver erramment Cou dont li autres le desment. N'avoit entr'ex tertre ne vaus, Il laissent corre les cevax Tant com cascuns li pot aler. Si se ferirent au joster Si grans caus par mi les escus K'estroés les ont et fendus. Outre fissent passer les fers, Sis assissent sor les haubers, K'il ont trouvé tenans et fors. Si se fierent de tel esfors Et par tel ire des espiés, K'il n'i remest ceval en piés. Et de ce nes doit nus blasmer Quant les cevax estut verser. S'il caïrent o les destriers, Guerpir lor couvint les estriers. Si sont tantost en piés sailli, Si a li uns l'autre asailli Moult tost et moult seürement. Et saciés bien certeinement, Que nus qui esgardast l'estor,
5480. clariax. 5482. brace.
N'en couneüst l'apeleor. Cascuns apeleor se fait, Espinogres les saus li vait, S'es fiert et refiert à bandon, C caus li doune en un randon. Et cil qui de rien ne s'amoie, Hardiement li rent et paie Tox les caus qu'il li a donés. Frais est li hiaumes et quassés, Et tox detrenchiés li haubers, Nes garirent ne fus ne fers, Ke li sans en clius n'en saille. Tant par fu fiere la bataille, Ke nus ne vous seüst à dire, Ki est li mieudre ne li pire. Mais saciés qu'en itel maniere Dura la bataille si fiere Des qu'à ore de mie di, K'il se furent forment laidi. Quant li estors ot tant duré, Et il orent tant enduré K'il orent lor elmes fendus, Et lor haubers tox deronpus, Et que par mi li sans en saut, Et c'on le voit vermel et caut, An le parfin issi avint
Ke Goumeres le saus li vint, Si le feri si de l'espée, K'ele est en l'escu coulée, Çe m'est avis, pié et demi; A peu ne le trencha par mi, Car il i feri par grant force. Au retraire tire et s'esforce, Mais ains
Fu l'espée qu'est à soi traite, le heut fraite, 1 Si que li puins et l'entrecor Ki estoit adoubés à or, Li remest en la main sans plus. Et Espinogres li cort sus, Sel fiert et refiert par grant ire. Et Gaumeres li prist à dire, Si redist il: „Or n'i a plus Ne soiiés pas mal el desus Quant je ne m'ai de quoi desfendre. Par estovoir me couvient rendre, Je me met en vostre merchi." Et Espinogres respondi Moult francement: „Et jel creant. Mais ce ert par tel couvenant, Que vous en venrés aveuc moi Orendroit à la cort le roi. Si vous metrés en sa prison, Et counistrés la mesproison
K'il n'a de rien vers vous mespris, Ne vers autre, c'ai oï dire; Onques ne fu en si grant ire, Ke il por cou plus tost feist Un outrage que on veïst, Que nus hon le peust veoir. N'estes mie de grant savoir Ki vous vantastes de tel cose. Je sui cil qui desdire l'ose Et qui par armes prouverai K'il est vis et sel mosterai."
Li Faés lors li respondi: Je prouverai cou que je di A cui que il doie desplaire." Lors fist avant ses armes traire; Si s'est moult vistement armés, Moult fu cointes et acesmés; Quant il fu montés el destrier, Il n'avoit sous ciel chevalier, Se son grant tort ne li neüst, Que il bien vaintre ne deüst. Grant cri ont fait la gent entor, Lors n'i ot plus rogne ne tor N'il n'i ot de manechier point, Cascuns d'eus le sien ceval point, Tant com il pot plus exploitier. Li Faés le feri premier Del bon espiel en mi le pis, K'il en fist voler les esclis. Cil sans non le feri après, K'il trenche de l'escu les ais, Si qu'il fist le hauberc fauser;
5606 in der Handschrift verstellt vor den drei vorhergehenden. 5659.
« ÎnapoiContinuă » |